人多口疏

蘋果日報11月21日報導：
【本報訊】近日屢受圍罵的金鐘主台，是糾察杜志權連夜露宿之地。近兩個月來他不睡帳篷，只套上睡袋，以便隨時起來應付突發事件。醉酒佬、藍絲帶、黑社會， 阿權都應付過，但最叫他擔心的，是日前衝擊立會的蒙面「同路人」。

「為衝而衝會失民心」

42歲的阿權為這場運動準備已久，去年參與商討日，大半年前辭去貨車司機工作，全情投入「去飲」，只因支持戴耀廷的理念，「諗住就算飲得一兩日，都可能有 手尾跟，如法律程序啦，唔想吓吓同老細請假」。太太與兒子在職，全力支持，令他安心投入運動。
早在9.22大專生在中大發動罷課，他與太太一起已 到場支援，最初到處執垃圾，後來不時獨自巡邏，見有事端就上前調停，兩周前被郭紹傑邀請加入糾察隊。阿權說，運動早期最擔心警察開槍，但政府現採拖延戰 術，相信不會開火。他也擔心黑社會伺機生事，早前有十多名疑似黑社會分子，一連三日「巡視」金鐘，他就跟足三日，「到最後有個阿哥話：唔使咁跟啩，大佬叫 我哋嚟保護學生箒」，之後就再出現。醉漢鬧事，藍絲帶踩場，愛字頭挑釁，大陸人撕海報，他見怪不怪。「呢啲明刀明槍，就明擋囉，好易處理，最難搞係啲背景 成疑嘅自稱同路人，口講民主，但又要踢走自己人」。
前日凌晨，那群圍罵大台、衝擊立會的「口罩友」，阿權認為比黑社會更令他擔心，「佢哋講唔出衝嘅目的，下下要行動升級，但夠人至得㗎，𠵱家係升級變降級，為衝而衝會失民心，民望係最重要㗎」。
阿 權認為有必要有大會與大台，「冇組織就唔係運動，係無政府狀態，唔會因此就冇紛爭，只會鬥大聲鬥惡」。再者，大台可聚眾，「太多小組易起紛爭，只會做死糾 察」。他續稱，糾察在功能是維持秩序，「確保現場係和平非暴力，每個人都可以自由參與。其實唔鍾意大台，可以喺旁邊起一壇，大家鍾意就會埋去聽，好多團體 都做緊，但點解要我哋唔講畀你講晒？」
http://hk.apple.nextmedia.com/news/art/20141121/18942696 

若要人不知除非己莫為。香港反政府勢力借佔中運動搞局，花鉅款找黑幫撐場兼做苦肉計自己衝擊自己。雖然佔中一方一直否認有勾結黑幫，但卻被自己人口多多洩密。