香港地發達容易揾食難。草根變大富豪的一時想到有順豐。80,90年代有星光傳呼的黃金富。那時在啓德機場停車埸入口對面有幢舊唐樓上面有大大塊廣告牌寫住星光傳呼。
下走當年就是用星光BB機的。其時要打上台聽call台小姐轉述留言和留下回覆。
當時久不久凌晨就有留言叫我挪車位。但我根本沒有車。應該是call台入錯另一個相近號碼。
後來凌晨又加入一位叫 Apple的留言。從留言看這位小姐似乎是相近號碼call機的女友。
過了一段時間Apple的小三留言變成怨婦留言。
到最後有一天凌晨點鐘又有call。下走打上台，
call 台小姐：Apple話，你再唔覆佢，佢死畀你睇。機主要唔要留言？
下走：不必。
之後就未收過Apple的call了。
