許智峰未學行先學走

東方日報2014年4月3日 報導：
民主黨（白鴿黨）區議員許智峰早前兩度玩轉中西區區議會轄下嘅小組會議，表面上就係質疑建制派借推廣《基本法》撥款利益輸送，實際上就似係無所不用其極博出位。尋日佢仲殺入立法會大樓繼續搞搞震，並公然違規喺官員同議員專用嘅「咪兜」位接受傳媒訪問添。
許智峰喺首次中西區區會小組會上畀警員抬走，對底誰是誰非，有待法律專家定奪，但佢同佢班黨友之後嘅一連串滋擾搞事行為，就大家都自有公論。許智峰 其後聲言會喺區議會無限期靜坐，但靜坐咗兩日見無乜人理，尋日就喺白鴿黨立法會議員單仲偕陪同下，入咗立會大樓狙擊民政事務局局長曾德成。原因好簡單，因 為立法會有多啲記者嘛！

擅自用立會「咪兜」受訪

許智峰最初揚言會好似啲台灣學生同立委咁，「攔截」準備入內開會嘅德成局長，但可能佢其後知悉咁做會違反《特權法》觸犯刑 事罪，最後只係好有禮貌咁遞信。德成局長就贈咗佢兩句，強調香港係法治嘅地方，如果撥款過程有利益輸送，自然會受到法律制裁。不過許智峰之後又唔守規矩， 違規喺只有獲邀人士有權使用嘅「咪兜」位做訪問。今次帶佢入立會搞事嘅單仲偕，隨時又要孭鑊。
http://orientaldaily.on.cc/cnt/news/20140403/00176_116.html


許智峰未學行先學走
區議員同立會議員唔同，區議員要靠搞民生方有票。許瘋哥學壞師走偏鋒，博出位，又係立志食政治飯的未來政棍。區議員得閒掃下街幫街坊通下水渠，自然就有票。區而優則立，跟住搞小小NGO向政府要資助，到時全族雞犬升天連姨仔外母表舅父都掛過什麼項目主任支援經理之類的虛位白支人工，可以供樓養車，年年放假帶全家歐遊考察，仲有錢送子女英美留學。如果唔信請許瘋哥同我的同學李卓人取取經。問下佢佢老婆同姨仔賺過再陪訓基金多少錢。許瘋哥現在的表演要選立會時方有用，不過你問過民主黨的大老們下次選舉有無預你先。

不過做議員都有風險，好似前幾屆立會選舉，連當多屆議員的民協馮檢基議員意外落選，落選後受訪，第一件事並不是擔心民協發展，而係話：我供緊樓，的無得做 (議員)，而家唔知點算。馮主席真情流露，不過就笑死人了。